Prej disa ditësh juglindja është nën pushtetin e akullit dhe temperaturave të ulëta.
Ditën e sotme temperaturat kanë arritur deri në -6 gradë Celcius teksa gjatë orëve të natës ka arritur -19 gradë.
I ftohti i acartë ka sjellë ngrica dhe prezencë akulli në cdo cep të qarkut.
Një situatë tepër e rënduar paraqitet në rrugët karakteristikë të qytetit.
Lagjia 1 është e pushtuar nga akulli.
Ndërsa pastrimi nga bashkia është pothuajse zero.
Kjo ka indinjuar edhe qytetarët korcarë.
Ndonëse paguajnë taksa rregullisht për shërbimin e pastrimit, ata nuk e marrin asnjë moment këtë shërbim.
Rreziku për jetën është cdo moment.
Të moshuarit janë më të prekur nga kjo situatë e pazakontë.
Ata pastrojnë oborrin e tyre ndërsa rruga mbetet rrezikshmëri për këdo.
Pamjet tregojnë qartë situatën në të cilën ndodhet kjo lagje. Askush nga punonjësit e mirëmbajtjes nuk shihet në asnjë cep.
Ndërsa janë përqëndruar vetëm në qendër të qytetit. Qytetarët bëjnë apel për marrjen e masave dhe pastrimin e rrugicave. Pasi ndihen të rrezikuar për jetën e tyre.
Ledjona Xheladinaj
07.01.2019
