Rrugët si ” lumenj” të vrullshëm e të frikshëm në Elbasan. Mbrëmje e frikshme në Elbasan e rrethina, madje në të gjitha Bashkitë e Qarkut. Janë dashur pak minuta që qielli të zbrazte gjithçka rezervonte nga lart.
Rrugët si ‘lumenj’ të vrullshëm e të frikshëm në Elbasan…
Erë e fortë, sa nuk u thyen pemët. Shi i rrëmbyeshëm, sa nuk mund të lëvizje as dhe një metër. Rrugët e qyteteve u shndërruan në “lumenj” të rrëmbyshëm. Vështirësi të mëdha në qarkullimin e automjeteve dhe kalimtarëve. Sipas informacioneve paraprake, janë shkaktuar përmbytje dhe rrëshqitje dherash në rrugët Elbasan-Qafthanë, Elbasan-Tiranë, Elbasan-Gramsh etj.
Dëme të konsiderueshme edhe në të mbjella. Më së shumti në dhjetra hektarë me sera. Shtërngata ka vazhduar për afro një orë. Më pas ka pllakosur qetësia e errësira. Për fat, nuk ka patur ndërprerje të energjisë elektrike.
Për Lajm-shqip
Alfrida Danushi
