Rrëzohen pllakat e mermerëve, humb jetën punëtori 42 vjeçar
Një ngjarje tragjike në rrethin e Elbasanit.
Një 42 vjeçar ka humbur jetën mbrëmjen e djeshme.
Sipas burimeve nga vendi i ngjarjes, aksidenti tragjik ka ndodhur në fshatin Papër, rreth 12 kilometra në Perëndim të qytetit të Elbasanit.
Bëhet e ditur se ka humbur jetën 42 vjeçari, Lulzim Vrapi nga fshati Vidhas, po në Njësinë Administrative Papër.
Vrapi ishte i punësuar në firmën private të mermerit, që drejtohej nga shtetasi, me inicialet, B.S, 38 vjeç.
Ky i fundit nuk ka qenë aty, kur ka ndodhur aksidenti.
Madje, i ndjeri Vrapi ka qenë vetëm duke punuar.
Një masë e madhe mermeri ka rrëshqitur dhe e ka zënë atë poshtë. Ai nuk ka mundur të dalë prej andej nga pesha e rëndë e pllakave të mermerit.
Vetëm me ndërhyrjen e vinxhit, është bërë e mundur nxjerrja e trupit të tij të pajetë. Policia është duke hetuar rreth kësaj ngjarjeje.
Alfrida Danushi
19.01.2019
