Për nder të 10-vjetorit të Pavarësisë së Kosovës, festimeve jubilare në Prishtinë do i bashkohet edhe këngëtarja me famë botërore. Rita Ora do ta nderojnë Kosovën me një koncert madhështor në shtrirje.
Rita Ora do të mbajë një koncert madhështor në Prishtinë
Rita do të arrijë në Kosovë në orën 13:00. Në orën 15:00, bashkë me Këshillin Organizativ për Shënimin e dhjetë-vjetorit të Pavarësisë, ajo do mbajë një konferencë për mediat.
Këngëtarja me prejardhje nga Kosova, ka shprehur vetë gatishmërinë që të këndojë në Prishtinë. Ajo do i bëjë kështu një dhuratë Republikës së Kosovës në jubileun e madh, në dhjetëvjetorin e shpalljes së pavarësisë.
Performanca e këngëtares me famë botërore do të zhvillohet nga sheshi ”Skënderbeu”, përgjatë sheshit “Nënë Tereza”. Do të mbahet deri te sheshi “Zahir Pajaziti” në Prishtinë. Koncerti festiv do të fillojë në orën 20:00.
Me kërkesë të vetë Rita Orës, i gjithë koncerti festiv do të jetë i hapur për të gjithë qytetarët e Kosovës.
17.02.2018
