Skaneri portit të Durrësit do të ripozicionohet, pasi aty ku është aktualisht nuk i përgjigjet nevojave për një proçedurë në kohë të skanimit të mjeteve.
Ripozociohet skaneri për arsye lehtësimi të punës.
Deklarata është bërë nga drejtori i APD, Artjan Qirici, i cili është shprehur se për të qenë sa me funksional në operimin e të gjithë proçesit nevojitet spostimi i pozicionit të tij.
Prej disa kohësh për shkak të futjes në kontroll të imtësishëm të të gjithë mjeteve që kalojnë në skaner janë krijuar vonesa në imbarkimin kryesisht të kamionëve.
Kamionat po qëndrojnë për disa ditë në rradhë duke pritur të nisen me tragete drejt Italisë.
Për këtë arsye nje grup prej 70 kamionstesh protestuan pasi nga vonesat ne skanim nuk arriten që të imbarkohen ne tragetin e Ankones.
Lidhur me pozicionin ku është vendosur skaneri i Portit të Durresit drejtori I AP Artjan Qirici bën me dije se ai do të ripozicionohet.
Sipas tij, ky objekt është ideuar aty rreth 2 vite më parë dhe ne situatën e tanishme nuk u përgjigjet më nevojave të një skanimi të shpejtë.
Ai do te ripozicionohet për të qënë më funksional dhe operativ në saknimet e automjeteve, për të mos lënë shteg shmangieve te mjeteve të ndyshme.
Ky problem, sipas Qiricit është bërë i domosdoshëm pas problemeve të konstatura kohët e fundit kur nga skanimet pati vonesë në ngarkim të mjeteve në tragete.
Për lajm-shqip
Silvi Feimi
