Rikthim pas 22 vitesh në Futboll i “21 Shkurtit” të Selenicës
Nga debutimi i parë në vitin 1949 kur ka luajtur në kategorinë e dytë(grupi i 11-të), maja më e lartë , sezoni 1991-92, kur për herë të parë dhe të fundit Selenica ka arritur të luajë deri në Kategorinë Superiore (Elit) të futbollit Shqiptar. Në mes është një histori afro 70-vjeçare. Kjo skuadër modeste e qarkut të Vlorës e njohur për shumë vite me emrin “21 Shkurti”, në sezonin 2018-2019 rikthehet. Selenica ka përgatitur të gjithë dokumentacionin dhe e ka dorëzuar në FSHF mbi konkurimin e saj në kategorinë e tretë. Iniciativa i përket Bashkisë Selenicë dhe personalisht kryetarit të saj Z.Përparim Shameti.
Shefit të klubit Z.Dritan Hoxha, ish futbollist dhe golshashënuesi më i mirë i kësaj skuadre 27 vite më parë, si dhe një bordi biznesmenësh që duan të riorganizojnë dhe ngrenë në nivelin e duhur futbollin në këtë qytezë. Një nga të veçantat është riformatimi i infrastrukturës së stadiumit te Selenicës.
Rikthim pas 22 vitesh në Futboll i “21 Shkurtit” të Selenicës
Pajisja e tij me gjithë aksesorët e nevojshëm si çdo skuadër e kategorisë së dytë apo edhe të parë, kryabashkiaku Shameti deklaron se : “Tradita e futbollit ka qenë prezente pavarësisht disa viteve të vështira. Kur skuadra e klubi nuk kanë mundur ti mbijetojnë disa vështirësive. Theksojmë se për herë të fundit Selenica është përfaqësuar në sezonin1996-97 në kategorinë e dytë. Rikthimi pas 22 vitesh është një ngjarje e bukur tashmë për një komunitet që e dashuron mjaft futbollin.
Trajner i skuadrës është emëruar z. Erjon Duro ish-lojtar i Himarës ne Sezonin 2008 – 09. Formacioni ekipit do të ketë dhe lojtarë nga qyteti i Vlorës si dhe nga Selenica. Kryesisht të rinj që duan të kontribojnë për këtë ekip.
Për lajm-shqip:
Jerola Ziaj
26.10.2018
