Zbulohet historia me vajzën 30-vjeçare të klipit ”Ku jam, ku je”
Gati një vit më parë, kur krisi lidhja 18-vjeçare e kantautorit të njohur Redon Makashi me gazetaren Elda Koçi, u publikua dhe klipi i tij romantik “Ku jam, ku je”. U fol atëherë se vajza figurante në klip, biondja simpatike nga Durrësi, ishte arsyeja e problemeve të tij me gazetaren, por vetë Redoni preferoi të mos fliste për ta lënë situatën të qetësohej vetvetiu. Nga ana tjetër, vajza që pamë në klipin e tij, e cila quhet Evi dhe është rreth të 30-ave, jeton në Itali. Ndoshta dhe për këtë arsye ajo fliste hapur për lidhjen e saj me Redonin, të përjetësuar pikërisht në këtë klip, ku ajo shfaqej protagoniste. Evi gjithashtu u mësua më vonë se nuk ishte thjesht figurantja, por edhe skenaristja dhe regjisorja e klipit, xhirimet e të cilit u bënë në Toskana. Klipi që u publikua pranverën e kaluar, është marrë nga albumi “Bota ime” i Makashit, ndërkohë që fotografia ka gjithashtu autorë italianë që janë Marco Martini dhe Giacomo Favilla. Albumi “Bota ime” duket se pati një sukses të veçantë dhe për karrierën e Redonit si artist, pasi u kurorëzua me çmimin “Kult” në maj 2012 si Albumi më i mirë i vitit, dhe u ndoq më pas nga çmimi i videoklipit si “Interpretimi më i mirë” në evenimentin “Netët e Klipit” në qershor. Por tashmë që ish-e dashura Elda Koçi vendosi të shkruajë librin e jetës për lidhjen e gjatë me Redonin, ky i fundit i ftuar në një emision muzikor në “UTV news” pak ditë më parë, ka pranuar të flasë edhe për dashurinë, për t’iu përshtatur edhe atmosferës së Shën Valentinit. Madje, pyetjes së gazetares se a ndihet i dashuruar, ai iu kundërpërgjigj me: “Pyetja më e e saktë do të ishte si po ju shkon lidhja… Më pas pohoi: “Po, jam i dashuruar”, por pa përmendur emër. Nga burimet tona kemi arritur të zbulojmë lidhjen në distancë të Redonit me Evin, vajzën e klipit të tij të fundit. ”Dashuria është një ndjenjë e fortë, të cilës unë kam ditur si t’i këndoj. Ajo lind që në vogëli te ne dhe zgjat deri në vdekje, qoftë dashuri e deklaruar apo e fshehur, njësoj si te filmi ‘Titaniku’”, tha Redoni. “Unë nuk kam dalë ende ta pohoj me gojën time historinë që kam, por kur ta bëj, do ta mbyll njëherë e mirë këtë temë për mua, gjithsesi tani për tani e pranoj që jam i dashuruar”. Më tej, pyetjes se nëse kishte në plan martesën me vajzën që dashuron, Redoni iu përgjigj: “E rëndësishme është të ndihem mirë me personin në fjalë dhe, sa për martesën, ajo mbetet thjesht një letër, nëse nuk ndihesh ashtu si duhet”.
Evi e prezanton klipin si përjetësim të historisë së tyre
Nga ana tjetër, në profilin e saj në faceboook, ka qenë Evi ajo që e ka prezantuar klipin “Ku jam, ku je”, si klipin e ndjenjës së tyre. “Surpriza e vitit, një rrugë e gjatë plot dashuri, pasion, çmenduri, buzëqeshje, plot lot e dhembje, plot sakrificë. Kemi akoma dhe më shumë rrugë përpara për të shprehur ndjenjën tonë”, shprehet ajo për kripin e tyre, duke e konsideruar “krijesën” e saj dhe të Redonit. Mikeshat e saj që janë në dijeni të plotë të lidhjes së saj me kantautorin, i shkruajnë: “Redoni është çun me fat, se ka në krah një muzë të përkryer”, ndërsa i urojnë një videoklip tjetër ku ajo të shfaqet me fustan të bardhë. Nuk dihet se kur ka vendosur ta hedhë vërtet një hap serioz në jetë kantautori 42-vjeçar në lidhje me të dashurën e tij aktuale.
16.01.2013
Burimi: Gazeta Panorama
