Përfundon takimi ndërmjet Bayern Munchen-Real Madrid, i vlefshëm për gjysmëfinalen e Ligës së Kampioneve. Takimi i luajtur në Gjermani, përfundoi me rezultatin 2-1 në favor të madrilenëve.
Real Madrid mposht Bayern Munchen në Gjermani…
Kanë qenë bavarezët që kanë kaluar të parët në avantazh me anë të Kimich në minutën e 28’.
Rezultati është barazuar nga Marselo në minutën e 44’ dhe me barazimin 1-1, është mbyllur edhe pjesa e parë e këtij takimi.
Goli i avantazhit dhe i rezultatit përfundimtar është shënuar nga Asensio në minutën e 57’ të takimit. Ndeshja e kthimit do të përcaktojë edhe skuadrën që do të kalojë në finale.
Kujtojmë që takimi tjetër Liverpool-Roma, që u luajt mbrëmjen e djeshme, përfundoi me rezultatin 5-2 në favor të anglezëve.
