Ministrja e Drejtësisë Etilda Gjonaj reagon e revoltuar për vrasjen e studentes së Juridikut, Arielës nga shoku i saj.
Ministrja ka bërë thirrje se të gjithë bashkë duhet t’i mbrojmë dhe përkrahim gratë e dhunuara.
Reagon Ministrja e Drejtësisë për vrasjen e Arielës
Ministrja e Drejtësisë, Etilda Gjonaj reagon ashpër ndaj vrasjes së studentes së Fakultetit të Drejtësisë, Ariela Murati.
Në një postim në rrjetin social Twitter, Gjonaj për këtë krim makabër shprehet se 21-vjeçarja Ariela Murati ishte viktimë e dhunës në shoqërinë shqiptare.
“Tragjike! Jeta e një vajze u pre në mes nga dora gjakatare e një burri! Ariela Murati, studentja e Fakultetit të Drejtësisë, një tjetër viktimë e dhunës në shoqërinë shqiptare.
Të gjithë bashkë, të mbrojmë dhe përkrahim çdo grua në situatë dhune #NdalKrimit #PërqafoJetën”, shkruan ministrja në postim e saj në Twitter.
Krimi i rëndë ndodhi dje në Tiranë përpara portës së universitetit të Mjekësisë.
Një 23 –vjeçar qëlloi me armë zjarri për vdekje 21-vjeçaren Ariela Muratain dhe më pas tentoi të vetëvrasjen.
Ylli Pata
22.01.2018
