Reagon Fatmir Xhafaj për dorëheqjen. Përse sfidon opozitën? Ish-ministri Xhafaj ka reaguar me anë të një mesazhi në Twitter në lidhje me dorëheqjen e tij mëngjesin e sotëm, ku shkruan se ka marrë me qindra mesazhe vlerësimi.
“Këto orë kam marrë me qindra mesazhe vlerësimi dhe respekti për punën e bërë, nga qytetarë të vendit tim, por edhe miq e partnerë me të cilët punova. Një pjesë e madhe nga socialistë, me të cilët kam bërë rrugë të gjatë në jetën time. Shumica dërrmuese e mesazheve nga njerëz të panjohur prej meje. Ju jam sinqerisht mirënjohës për këto mesazhe inkurajuese”.
Xhafaj shtoi se dorëheqja e tij është tërësisht me vullnet të lirë dhe e bazuar në principe , vlera njerëzore dhe institucionale.
Reagon Fatmir Xhafaj për dorëheqjen. Përse sfidon opozitën?
“Ajo është tërësisht respekt për veten, e për këto standarde të shenjta për mua”-shton ai.
Jashtë vëmendjes së tij Xhafaj nuk lë as politikën, e konkretisht opozitën.
“Opozita me komentet për dorëheqjen time konfirmon edhe një herë degradimin e saj politik. Fatkeqësi për ata vete, por edhe për qytetarët. I sfidoj ata e cilindo, tanimë që nuk do të jem më Ministër të provojnë akuzat e bëra ndaj meje si Ministër. Përbuz shpifjet e komentet neveritëse të kujtdo që nuk mund të kuptojë dot se ka edhe njerëz në politikë, që mund të jenë të lirë e vetvetja, në çfarë mendojnë e çfarë bëjnë. Ligësinë e pafytyrësinë e tyre thjesht e neveris me heshtjen time. Koha mbetet gjykatësi më i mirë për cilindo”- e mbyll reagimin e tij Fatmir Xhafaj.
Erjona Keta
27.10.2018
Të ngjashme mund të lexoni:
- Reagon Berisha per doreheqjen e Fatmir Xhafajt, Si e quan kryeministrin?
- “New York Times, Washington Post, Agjencia italiane e lajmeve NOVA, lajm për Fatmir Xhafajn”
- “Dorëheqja e Xhafaj, e mirëmenduar”
