Rama kundër vetes: njerëzit nuk hanë shifra e statistika! Rama e ka nisur me një befasi fjalimin e tij në Asamblenë e Përgjithshme të PS-së.
Rama kundër vetes: njerëzit nuk hanë shifra e statistika!
Pasi mori fjalën e tij pas ministrave të cilët ofruan tregues suksesi, Rama i përgënjeshtroi në një mënyrë origjinale ata, duke dalë dhe kundër vetes. Rama tha:
Duket sikur gjërat janë mirë, por nuk është ashtu.
Ai shtoi se “njerëzit nuk hanë shifra dhe nuk shtrojnë statistika në tavolinë”. E thënë kjo pra nga njeriu që qeverisjen e vet e mbron me kartën e treguesve shifrorë.
Më pas ai u ndal tek opozita, duke thënë se ajo “nuk është opozitë, por një gërdi njerëzisht të çoroditur”.
Rama tha se duket sikur kjo situatë, sipas tij pa opozitë, “e bën të lehtë punën, por në fakt e bën të vështirë”.
Një opozitë që nuk të sfidon në intelekt por në fizik, është hata e madhe.
tha kryeministri.
Për Lajm-shqip
Ylli Pata
