Kryeministri i vendit Edi Rama zhvilloi një takim me disa prej studentëve dhe pedagogëve të Korçës.
Në fjalën e tij Rama i quajti disa pedagog ‘sharlatan’.
Deputeti i Lëvizjes Socialiste për Integrim, Luan Rama, e ka quajtur fyese shprehjen e kryeministrit Rama për disa pedagog të cilët i ka quajtur ‘sharlatanë’.
Gjatë një postimi të bërë në rrjetin e tij social Rama i ka kujtuar kryeministrit të vendit se edhe ai vetë ka qenë pedagogë dikur prandaj dhe pedagogët nuk duhet të heshtin ndaj kësaj fyrje ndaj tyre.
Reagimi i plotë:
A ka mësues dhe pedagogë në këtë vend?!
I fyen dhe i poshtëron, i etiketon me gjithfarëlloj epitetesh deri në denigrim, i quan edhe sharlatanë, e ata prapë heshtin!!!
Si ka mundësi që dikush që ka patur babanë pedagog t’i quajë pedagogët sharlatanë?!
Si ka mundësi që dikush që ka qenë edhe vetë pedagog, t’i quajë pedagogët sharlatanë?!
Dhe mbi të gjitha, si ka mundësi që një armatë e tërë pedagogësh e mësuesish të heshtin, kur dëgjojnë se si Kryeministri i quan ata sharlatanë e kërkon t’i ndërsejë
studentët kundër pedagogëve, njësoj si Mao Ce Duni gardistët e kuq kundër intelektualëve e gjithë të shkolluarve?!!!
A ka mësues dhe pedagogë në ketë vend?!…
Visar Quni
10.02.2019
