Nuk ndalet Edi Rama…Ai thotë se: Rama: Gjykatësit e prokurorët do të japin llogari…nga i gjati, tek i shkurtri…! Do të nxjerrim nga zyrat e shtetit ata…Ky ka qënë paralajmërimi i Ramës për gjyqtarët dhe prokurorët.
Rama: Gjykatësit e prokurorët do të japin llogari…nga i gjati, tek i shkurtri…!
Sot me një deklaratë të tij, Edi Rama ka kërcënuar gjyqtarët dhe prokurorët. Kryesisht ata që janë dorëhequr pa iu nënshtruar Vetingut. Rama thotë se ata do të japin llogari për atë që kanë bërë. Rama ishte i pranishëm në një aktivitet për “Llogaridhënien publike të qeverisë” të organizuar në Amfiteatrin e Liqenit Artificial në Tiranë. Ja si u shpreh Edi Rama:
“Vettingu këtë qëllim ka, të pastrojë sistemin gjyqësor. Në pallatin e ri të drejtësisë të hyjnë gjykatës dhe prokurorë të cilët të drejtës i thonë e drejtë dhe të padrejtës e padrejtë. Ata gjykatës e prokurorë të çliruar nga kthetrat e politikës…Dhe të vendosur në pozicionet e tyre falë meritës. Ata që do ndajnë shapin nga sheqeri. Ata që sot ikin, do jenë të detyruar të kthehen nesër…Por jo si gjykatës e prokurorë, por si të akuzuar, që duhet të japin llogari para drejtësisë shqiptare për çfarë kanë bërë. Njësoj si gjykatësit dhe politikanët, nga më i gjati e deri më i shkurtri… Do duhet që të mos mjaftohen duke thënë jam i ndershëm dhe ai është hajdut. Por të provohen si të tillë në varësi kush paraqitet e kush nuk paraqitet në prokuroi e gjykatë”.
Në fjalën e tij, Kryeministri gjithashtu paralajmëroi pastrimin e zyrave të shtetit nga ata që nuk e meritojnë të jenë pjesë e administratës publike. “Do të nxjerrim jashtë zyrave të shtetit ata që nuk e meritojnë PS-në dhe nuk përfaqësojnë ata që i besuan PS-së. Do të nxjerrim jashtë zyrave të shtetit ata .që ushqejnë interesat e veta, të miqve, shokëve dhe askujt tjetër”, tha Rama.
Për Lajm-shqip
Leonard Xhelili
