Kur fëmijëve u jep “pushtet”, duket se ata kuptojnë më mirë hallet e pushtetit vendor.
Kështu mund të thuhet për një grup nxënësish të organizuar të një shkolle nëntëvjeçare në qytetin e Kuçovës.
Ata, si për traditë, kanë krijuar forumin “Qeveria e nxënësve”.
Kësisojë, Qeveria e nxënësve të shkollës nëntëvjeçare “Gaqi Karakashi”, bëri një vizitë në Bashkinë Kuçovë.
Më tepër, duke dashur të urojnë për një vit të mbarë për 2019-tën dhe njëkohësisht për të falenderuar kryetarin e saj, Selfo Kapllani , për punën e mire, që ka bërë.
Kjo, duke u siguruar ngrohje për çdo klasë të shkollës si dhe plotësim me dritare për çdo mjedis të saj.
Kjo Bashki, me fondet e saj, ka krijuar kushte optimale për zhvillimin e proçesit mësimor .
Ndaj dhe ata shprehën mirënjohjen ndaj Bashkisë Kuçovë.
Nga ana e tij, kryebashkiaku ka thënë se thjeshtë kishte bërë detyrën.
Sipas tij, kjo Bashki ka shumë punë për të bërë në drejtim të kushteve të mira në shkolla e kopshte.
Ndërsa fëmijët, me naivitet kanë pyetur. – Kur do të krijohen këto kushte? Një pyetje kjo, që nuk ka marrë përgjigje…
Besim Dybeli
10.01.2019
