Qëllohet për vdekje në Bagdad ish-Miss-i dhe modelja Tara Fares. Fares u qëllua ditën e enjte nga persona të armatosur të cilët hapën zjarr mbi të në lagjen Camp Sarah. Dy persona me motorr goditën drejt modeles. 22 vjeçarja njihej për veshjet e guximshme dhe postimet në rrjetet sociale.
Vdekja e Fares vjen vetëm dy ditë pasi një aktiviste për të drejtat e njeriut u vra në qytetin jugor të Basrës.
Suaad al-Ali u qëllua dhe u vra në një treg nga një person i armatosur, sipas burimeve të sigurisë. Zyrtarët thanë se hetimet ishin ende në zhvillim e sipër.
Qëllohet për vdekje ish-miss-i në makinë…
Muajin e kaluar, dy gra të mirënjohura në industrinë e bukurisë së Bagdadit gjithashtu u vranë.
Rafeef al-Yaseri, e njohur si “Barbie e Irakut”, u vra më 16 gusht.
Al-Yaseri ishte kirurge plastike dhe organizoi programe kombëtare të specializuara në çështjet mjekësore për gratë.
Një javë më vonë, Rasha al-Hassan, pronare dhe menaxhere e Qendrës së Bukurisë Viola në Bagdad, u gjet e vdekur brenda shtëpisë së saj.
Kryeministri Haider al-Abadi urdhëroi Ministrinë e Brendshme dhe departamentin e inteligjencës së Irakut të hetojë vrasjet dhe rrëmbimet në Basra, Bagdad dhe në çdo vend tjetër, tha ministria në një deklaratë.
Për lajm-shqip:
Klajdi Thaçi
30.09.2018
