Punësimi: Kryeministri Edi Rama tregon shifrat e fundit!

Kryeministri Rama duke ju referuar shifrave të publikuar nga INSTAT dha lajmin e mirë për rritjen e punësimit në vend.

Në bazë të dhënave të 3 mujorit të tretë të këtij viti janë regjistruar rretj 220 mijë më shumë të punësuar.
Edi Rama:

“MIRËMËNGJES ?
Me lajmin e mirë që vijon rritja e punësimit dhe rënia e vazhdueshme e papunësisë duke shënuar për 3-mujorin e tretë 2017 rreth 220 mijë të punësuar më shumë se 3-mujori i parë 2014, ju uroj një ditë të mbarë?”.
Nga të dhënat e publikuar nga INSTAT edhe krahasuar nga tremujori i dytë, numri i të punësuarve është më i lartë.
INSTAT:

“Anketa Tremujore e Forcave të Punës, T3 – 2017
Në tremujorin e tretë 2017, shkalla e punësimit për popullsinë 15-64 vjeç është 57,7 %. Gjatë këtij tremujori, në terma vjetorë punësimi për popullsinë 15 vjeç e lart shfaq tendencë në rritje. Krahasuar me të njëjtin tremujor të vitit 2016, punësimi u rrit me 1,9 %. Në terma tremujorë, krahasuar me tremujorin e dytë të vitit 2017, punësimi pësoi një rritje prej 1,4 %.

Punësimi u rrit në sektorin e industrisë me 3,4 %.

Ritmi vjetor i rritjes së punësimit për popullsinë 15 vjeç e lart, nga tremujori i tretë i vitit 2016 në tremujorin e tretë të vitit 2017, është 1,9 %. Rritja e punësimit është 8 % në sektorin e shërbimeve. Dhe 0,8 % në sektorin e industrisë. Në sektorin e bujqësisë pati një rënie të punësimit prej 3,8 %. Krahasuar me tremujorin e mëparshëm, në tremujorin e tretë 2017, punësimi për popullsinë 15 vjeç e lart pësoi një rritje prej 1,4 %. Rritje pati në sektorin e shërbimeve me 1,6 %, dhe në aktivitetet bujqësore me 0,1 %.”

www.lajm-shqip.com

13.12.2017