Publikohet data e zgjedhjeve vendore të vitit 2019. Gramoz Ruçi lajmëron…Viti 2019 shënon edhe mbajtjen e zgjedhjeve vendore. Kështu, në këtë kuadër kanë nisur edhe hamendësimet e para të dates se kur do të mbahen ato. Këtë të hënë,pak minuta pasi kryetari i Kuvendit Gramoz Ruçi doli nga presidenca, zyra e shtypit e këtij institucioni njoftoi vendimin e presidentit.
“Në mbështetje të nenit 92, shkronja “gj” dhe nenit 93 të Kushtetutës së Republikës së Shqipërisë, si dhe në zbatim të rregullave të parashikuara në nenin 9, paragrafi 1 dhe 2 dhe nenit 10, paragrafi 1 dhe 2 të ligjit nr. 10019, datë 29.12.2008 “Kodi Zgjedhor i Republikës së Shqipërisë”, i ndryshuar,
D e k r e t o j
Neni 1
Zgjedhjet për organet e qeverisjes vendore të zhvillohen ditën e diel, më datë 30 qershor 2019.
Neni 2
Ky dekret hyn në fuqi menjëherë.
Dekreti mban numrin 10928 dhe u firmos më 5 nëntor 2018.
Pak ditë më parë kreu i shtetit mbajti takime konsultative me përfaqësuesit kryesor të partive parlamentare.
Zgjedhjet vendore do të mbahen më 30 qershor 2019.
Erjona Keta
05.11.2018
Të ngjashme mund të lexoni:
- Ukrainë, 61 viktima nga temperaturat deri në -28 gradë Cecius
- Ukrainë, Timoshenko proteston për manipulimin e…
- Qesharake, por e vërtetë: Ja si blihen votuesit në Ukrainë?
