Çdo vit një nga temat më të nxehta që prek mijëra të rinj është ajo e maturës shtetërore.
Në çdo vit ka patur problematika dhe keqkuptime të mëdha nga ana e nxënësve.
Formula e maturës shtetërore ndryshon vit pas viti, ende nuk është gjetur një mënyrë e qëndrueshme e menaxhimit të kësaj situate.
Ministria ka nxjerrë detaje rreth datave të provimeve të Maturës shtetërore 2018.
Provimi i parë do të jetë ai i gjuhës së huaj në 4 qershor.
Vijon:
Gjuhë shqipe dhe letërsi 8 qershor
Matematikë 13 qershor
Provime me zgjedhje 20 qershor
Publikohen datat e maturës shtetërore nga Ministria e Arsimit
Ndërsa drejtuesja e Qendrës së Shërbimeve Arsimore, Rezana Vrapi, është shprehur se ndryshimet më të mëdha me maturën shtetërore do të ndodhin në 2019.
Maturantëve do t’u duhet të japin 4 provime nga 5 që kanë qenë më parë.
Ndërsa sa i takon maturës 2018, ajo ka thënë se do të merren masa të forta për të gjithë ata maturantë që tentojnë të thyejnë rregullat.
Do të ketë penalitete.
Ndryshimet e përvitshme të formulës së maturës shtetërore tregojnë një mungesë serioziteti.
Çdo vit duket se përsërit vetveten.
Në fund kemi nxënës të pakënaqur që shfaqen nëpër media me pretendimet e tyre.
Nga pala tjetër shfaqen ministra që justifikojnë eksperimentet e tyre.
Mbetet për t’u parë nëse do të ketë një zgjidhje përfundimtare të kësaj situate.
Për lajm-shqip:
Klajdi Thaçi
27.02.2018
