Në lidhje me vdekjen e 27 vjeçarit Enea Fotj në qelitë e paraburgimit të Korçës reagoi edhe policia. Ata mohojnë pretendimet e familjes se ndaj tij është ushtruar dhunë.
Reagon policia pas vdekjes së Eneas: Nuk ishte mirë, i dhamë diazepam
Sipas policisë së shtetit reagimi vjen lidhur me lajmin e publikuar, ku ngrihen dyshime për humbjen e jetës së një të riu të shoqëruar në Komisariatin e Policisë së Korçës.
Sipas policisë, Enea Ftoji ishte kapur në flagrancë, ndërsa kishte vjedhur varësen e një 60-vjeçareje dhe është shoqëruar në polici.
Nga kamerat e sigurisë vihet re se, veprimet e tyre janë kryer me korrektësi të plotë, thuhet nga policia. Gjatë qëndrimit në dhomat e sigurisë, këtij shtetasi për dy ditë i është dhënë ndihmë mjekësore nga një ndihmësmjek, nëpërmjet medikamentit “Diazepam”. Kjo pasi kishte shfaqur shenja ankthi. Enea në orën 8 të mëngjesit të 17 majit u gjet i vdekur në qeli.
Në lidhje me pretendimet e familjarëve se ndaj tij është ushtruar dhunë policia sqaron se nga këqyrja e jashtme e trupit të viktimës në Morgun e Spitalit Korçë nuk janë konstatuar shenja të përdorimit të dhunës.
