Protestës u bashkohen edhe studentët e Mjekësisë, dorëzojnë bluzat e bardha…Protestës para Ministrisë së Arsimit i janë bashkuar dhe studentët e Universitetit të Mjekësisë dhe të Infermierisë.
Ata kanë vendosur në kangjellat e godinës së ministrisë bluzat e bardha. Shumë studentë ndjekin degën e Infermierisë, si rrugë për t’u larguar drejt Gjermanisë.
Protestës u bashkohen edhe studentët e Mjekësisë, dorëzojnë bluzat e bardha
Studentët e universiteteve u shfaqën më të bashkuar se kurrë gjatë ditës së sotme. Me thirrjet “E duam Shqipërinë si Europa”, “ne nuk jemi bankomat”, “S’ka më heshtje, s’ka më pritje” studentët ende këmbëngulin në kërkesat e tyre që janë përgjysmimi i tarifave dhe heqja e tarifave shtesë për provimet e mbartura. Këshillat Studentore të Universiteteve Publike i janë drejtuar me një kërkesë Ministrisë së Arsimit dhe Sportit, ku paraqesin 4 kushtet e tyre. Ministria e Arsimit shfuqizon vendimin dhe heq tarifën për provimet e mbartura. Studentët e të gjithë universiteteve të Tiranës, Fakultetit të Drejtësisë, Mjekësisë, Shkencave Sociale, Histori Filologjisë, Gjuhët e Huaja dhe Shkencat e Natyrës dhe Universitetit Bujqësor, vijojnë të qëndrojnë dhe të mos largohen nga protesta.
Erjona Keta
06.12.2018
