Shoqëria civile dhe shoqatat që mbrojnë të drejtat e fëmijëve paraditen e së mërkurës organizuan një protestë kundër dhunës seksuale,përpara Kryesisë së Kuvendit. Duke kërkuar apelimin e dënimit të përdhunuesit të Pogradecit. Top Channel ishte dy ditë më parë në shtëpinë e 15-vjeçares, e cila në moshën 14-vjeçare u përdhunua nga fqinji 55-vjeçar. Ai është Ligor Bibe i cili u dënua dhe do të qëndrojë në burg më pak se 5 vite.
Shoqëria civile…Protestë kundër dhunës seksuale…
Vendimi është dhënë javën e shkuar. Vajza e mitur ka qënë nën presion pasi i kërkohej që të mohonte përdhunimin. Kërkesa e protestuesve është që ligjvënësit shqiptarë,me procedurë të përshpejtuar, të rëndojnë dënimet për krimet seksuale.
Gjithashtu, kërkojnë edhe nga Agjencia Kombëtare për Mbrojtjen e Fëmijëve që t’i ofrohet ndihmë ekonomike vajzës së përdhunuar. Vajza mbeti shtatzënë nga përdhunimi dhe sigurisht në vështirësi . Nëse institucionet nuk marrin masa, protestuesit do të dalin sërish në protesta të tjera.
Adenisa Neziraj
06.06.2018
