Protesta e opozitës, prej orës 06:00 të mëngjesit ka filluar nisja e protestuesve drejt kryeqytetit. Sipas burimeve të degës së PD Korçë drejt Tiranës janë nisur me autobuz, furgon dhe mjete private rreth 2100 persona.
Protestuesit janë nga qyteti i Korçës dhe njësitë administrative të bashkisë Korçë. Nga Pogradeci jane nisur drejt Tiranës rreth 1200 persona.
Protesta e opozitës, fillon nisja e protestuesve drejt kryeqytetit
Nga rrethi Devoll 1500 persona dhe nga Kolonja rreth 500 persona. Policia e Korçës ka vendosur një postbllok në dalje të qytetit për të monitoruar nisjen e mjeteve dhe për të verifikuar nëse protestuesve mund tju jenë bashkuar persona me precedencë penale.
Dega lokale e PD Korçë ka denoncuar presionin e strukturave shtetërore mbi shoqëritë e autobuzëve duke iu bërë presion këtyre të fundit për të mos transportuar protestuesit drejt Tiranës.
Sipas burimeve nga PD pjesa më e madhe e autobuzëve të linjës me Tiranën janë prenotuar nga drejtoria arsimore e Korçës, për organizimin e ekskursioneve në pika turistike të rajonit juglindor.
