Protesta për nesër ka vendosur nën vëshgim personat të cilët procedohen të dhunshëm nga ana e policisë.
Policia ka shpallur për mediat masat e protestës së nesërme të opozitës.
Por nga ana tjetër, policia ka bërë të ditur se janë vënë nën vëzhgim persona me të kaluar të dyshimtë. Kjo , për arsyen se janë pikasur si të dhunshëm.
Protesta nësër lë personat e dhunshëm nën vëzhgim nga policia.
Nesër opozita do të protestojë në mesditë. Protesta, që nis nga ora 12.00 përpara kryeministrisë dhe leja zyrtare është për 4 orë manifestim.
Gjasa ka që protesta të zgjasë deri në orët e mbrëmjes. Rreth 1500 policë të angazhuar në terren për mbarëvajtjen e protestës.
Të angazhuar do jenë FNSH, forcat e Rendit dhe ato operacionale.
Në terren do të ketë edhe agjentë civil dhe të Shërbimit Informativ Shtetëror (SHISH).
Synimi është shmangia e incidenteve dhe një tentativë e mundshme e protestuesve për të sulmuar institucionet.
Ndërsa organizatorët e kësaj proteste, si kreu i PD, Lulzim Basha ashtu edhe ajo e LSI, Monika Kryemadhi kanë mohuar ekzistencën e skenarëve të dhunës.
PD ka marrë leje nga Policia e Tiranës për një protestë 4 orëshe. Ajo nis në orën 12:00 përpara Kryeministrisë.
Protestuesit do marshojnë nga selia e PD, sheshi Skënderbej dhe Rruga e Elbasanit në drejtim të Bulevardit “Dëshmorët e Kombit”.
Policia, çuditërisht ka shpërndarë një lajm se po mban në vëzhgim disa protestues problematikë.
Sipas hetimeve paraprake të saj, kanë qenë protagonistë të përplasjes së protestuesve me policinë gjatë protestës së 18 dhjetorit.
Sipas policisë, janë identifikuar disa persona të dhunshëm, që pritet të jenë në protestën e nesërme.
Gjithashtu, vëmendje të madhe do ketë edhe kontrolli fizik i personave të dyshimtë për armë apo sende të paligjshme në akset kryesore të Tiranës.
Janë marrë masat dhe për sigurimin e institucioneve përgjatë Bulevardit. Policia ka kërkuar informacion dhe nga drejtoritë e qarqeve për personat me precedentë penalë.
Rrugët që bllokohen
Policia e kryeqytetit ka marrë masa edhe për rrugët, të cilat do bllokohen.
Bllokimi nis që në orët e para të mëngjesit të nesërm e deri në përfundim të protestës.
Kështu, në të gjitha rrugët që të çojnë drejt Bulevardit “Dëshmorët e Kombit”, nuk do lejohet qarkullimi i automjeteve përveç mjeteve të transportit publik.
Sa i takon automjeteve, me të cilët do vijnë protestuesit nga rrethet, bëhet e ditur se nuk do lejohet hyrja e tyre në Tiranë.
Mjetet që vijnë nga Jugu dhe Veriu, do ndalohen te pallati i sportit “Asllan Rusi”.
Ata të Juglindjes, te stacioni i autobusëve pranë Fakultetit Ekonomik te “Rruga e Elbasanit”.
Për lajm-shqip
Ylli Pata
