Procedohen 10 zyrtarë të Autoritetit Portual Durrës, për “Shpërdorim detyre” dhe “Shkelje e barazisë në tendera”. 10 vendime të Gjykatës së Durrësit për zyrtarë apo ish-zyrtarë të Autoritetit Portual Durrës janë ekzekutuar ditën e sotme.
Abuzim me tenderat, procedohen 10 zyrtarë në Portin e Durrësit
Të proceduarit janë: A. L, 42 vjeç, ish-Drejtor i Përgjithshëm Ekzekutiv i APD.
S.T, 58 vjeç, me detyrë ekonomist.
N.H, 61 vjeç, me detyrë inxhinier mekanik.
L.K, 51 vjeçe, me detyrë ekonomiste.
E.K, 33 vjeç, jurist në Sektorin e Prokurimeve Publike.
J. R, 35 vjeçe, me detyrë juriste.
A.M, 53 vjeç, me detyrë ish-Jurist.
A.K, 36 vjeç, drejtor i Drejtorisë së Burimeve Njerëzore.
Sh.Xh, 55 vjeç, ish-Zëvëndësdrejtor i Forcës së Sigurisë.
Y. K, 66 vjeç, Ish-Specialist i blerjeve të vogla në Sektorin e Prokurimeve Publike.
Nga kryerja e veprimeve hetimore ka rezultuar se këta zyrtarë janë përfshirë në veprime të kundra-ligjshme. Konkretisht gjatë zhvillimit të tenderit për blerje automjeti, auto-ambulance dhe mjeti zjarrfikës.
Ekspertimi i kryer ka rezultuar se ofertat për 3 lote të tenderit nuk ishin të rregullta dhe janë hartuar nga i njëjti operator ekonomik. Ndërsa mungonin pajisjet shtesë dhe shpëtuese kundër zjarrit. Hetimi ka provuar gjithashtu se kërkesa për këto mjete ishte e pa-argumentuar, nisur nga domosdoshmëria për to.
Gjithashtu ka dyshime se nuk janë krijuar kushte për barazi dhe është prishur konkurenca në procedurën e prokurimit publik. Vazhdon puna për identifikimin e zyrtarëve dhe personave të tjerë të implikuar në këtë aktivitet kriminal.
Për Lajm-shqip
Ledjona Xheladinaj
