Presidenti Tusk përkrah idenë, që Shqipëria të bëhet qendër për të gjithë refugjatët? Donald Tusk përkrah idenë, që refugjatët e refuzuar nga BE, të mblidhen në një vend të caktuar.

Presidenti Tusk ‘pro’ idesë, që Shqipëria të bëhet qendër për të gjithë refugjatët?

Për Presidentin e Europës, Donald Tusk, se ideja që refugjatët e refuzuar nga BE, të mblidhen në një vend të caktuar, është gjeniale. Por kjo ide, po gjen gjithmonë e më shumë përkrahës. Gjithsesi, i fundit ‘pro’ kësaj ideje, është presidenti i Këshillit Europian, Donald Tusk. Ndërsa “Der Spiegel” shkruan se ai është miku më i ri i këtij projekti, që mban vulën e kancelarit austriak, Sebastian Kurz. Sipas revistës gjermane, ky kamp do të ngrihet në Shqipëri ose në një nga vendet e Afrikës së Veriut. Në dokumentin e Tusk thuhet se në këtë kamp duhet të mblidhen të gjithë refugjatët e shpëtuar në det. Diçka e tillë do të diskutohet në samitin e BE në fund të qershorit. Pikërisht në këtë samit do merret vendimi nëse Shqipërisë do i hapet drita jeshile, për nisjen e negociatave.

Megjithatë, revista gjermane shkruan se një plan i tillë mund të sjellë dhe lëvizje në ngërçin e krijuar në Gjermani, mes CDU dhe CSU. Kjo pasi kancelares Angela Merkel i kanë lënë dy javë afat për të zgjidhur çështjen e azilkërkuesve.

Për lajm-shqip:

Leonard Xhelili

20.06.2018