Prefektja e Tiranës: Autostrada Tiranë-Durrës do të përmbytet sërish…
Suzana Jahollari e emëruar nga Rama në këtë detyrë para 1 muaji ka habitur me deklaratën e dhënë mbrëmë në Vizion Plus.
Ajo tha se autostrada Tiranë-Durrës do të përmbytet sërish nëse do ketë shira të dendur.
Prefektja e Tiranës
Sakaq, u vu re edhe një mbrojtje që ajo i bëri Erion Veliaj. Duke mos e fajësuar për përmbytjen në autostradë.
Por, nuk e kurseu kryebashkiakun e djathtë të Vlorës, Fiqiri Ismaili.
Ky i fundit ka në juridiksion pjesën e autostradës tek City Park që gjithashtu u përmbyt të enjten e kaluar.
Suzana Jahollari duke folur në emisionin “Dritare me Rudinën” tha se, autostrada Tiranë-Durrës është përmbytur për të dytin vit radhazi dhe mund të përmbytet sërish gjatë dimrit.
Sakaq, u kujdes të theksonte se pjesën tek City Park nuk e ka Bashkia e Tiranës por Bashkia e Vorës.
“Përroi i Limuthit ka ndryshuar shtratin natyror, pasi në të dyja anët kanë vënë mure betoni.
Prefektura ka marrë masa gjatë këtij viti, por fakti që u përmbyt sërish, do të thotë se deri tani këto masa nuk janë zbatuar deri në fund”, u shpreh Jahollari.
Ajo nuk pranoi se janë hapur portat e liqenit të Kasharit çka dyshohet se çoi në përmbytjen e madhe të autostradës Tiranë-Durrës, pranë Mercedes Benz-it.
“Duke filluar nga dita e hënë, prefektura do të marrë masa prapë, do të mbledhë grupin dhe të shikojë masat që do të merren.
Nëse reshjet do të bien brenda 3-4 ditëve, do të përmbytet sërish”, tha me tej Jahollari.
05.12.2017
