Pranohet zyrtarisht plagosja e tre policëve në Elbasan.Policia e Elbasanit hedh komunikatën zyrtare për plagosjen e tre policëve në këtë qytet. Sipas saj në lagjen “5 Maj”, në një dyqan ka hyrë për të grabitur 50 vjeçari Irfan Halimllari.
Pranohet zyrtarisht plagosja e tre policëve në Elbasan
Ai ka mundur të marrë 20 mijë lekë të reja dhe është larguar. Patrulla e policisë ka shkuar shpejt në vendngjarje. Ka konstatuar autorin me një thikë në dorë. Në këto kushte, Halimllari ka tentuar të gjuajë veten. Policia ka ndërhyrë për ta parandaluar. Gjatë ndërhyrjes janë lënduar tre punonjës të policisë. Ata po marrin ndihmën mjeksore në spital. Ndërkohë, policia ka ndaluar autorin e ngjarjes. Në cilësinë e provës materiale u sskuestrua sasia e lekëve. Po ashtu, u sekuestrua edhe mjeti i ftohtë. Policia vazhdon zbardhjen e ngjarjes. Të tre policët janë jashtë rrezikut për jetën.
Alfrida Danushi
02.07.2018
