Prangoset njeriu që ruan sekretet e ish-krerëve të policisë së Shteti një zhvillim ky i rëndësishëm që ndodhur sot në Gjermani.
Është arrestuar Ardjan Xhillari, njeriu kyç e një afere miliona eurosh që ka të bëjë me kontrabandën e naftës verxhin.
Kontrabandë për të cilën i ndjeri Dritan prifti akuzoi krerë të lartë të policisë shqiptare.
Ardian Xhillari, biznesmeni i shpallur në kërkim është prangosur prej kohësh por vetëm sot është publikuar nga Interpol.
Nafta virxhin, e kompanisë kompania Tea Construcion & Petrol hidhej në treg e papërpunuar. Sipas Prokurorisë i është shkaktuar buxhetit të shtetit një dëm prej miliona eurosh si dhe pasoja teknike për automjetet e qytetarëve që janë furnizuar me naftë bruto e cila është tregtuar si cilësore.
Pritet të nisin procedurat përt ekstradimin e Xhillarit në Tiranë ku do përballet me akuzat e drejtësisë shqiptare.
Më herët, po gjatë kësaj të enjte, Prokuroria e Tiranës kërkoi 15 vite burg për Xhillarin, 5 vite për ish-zv/drejtoreshën e Doganave Lule Njebza.
Gjithashtu edhe tre vite për Mirarbër Teneqexhi, ish-drejtori i Doganës së Tiranës, të përfshirë në skandalin e futjes së naftës së papërpunuar në tregun vendas.
Nga hetimet ka rezultuar se në këtë skemë evazioni ishte përfshirë dhe numri dy i Doganës asokohe zonja Njebza.
Ndërsa në total kanë qenë 4.5 milion litra naftë virxhin e nxjerrë në treg si naftë cilësore.
Ky hetim ka zgjatur për dy vite nga prokuroria e Tiranës pas kallëzimit të tatimeve për zhdukjen e 4.4 milionë litra naftë virxhin. Ndërsa Xhillari po gjykohet në mungesë pasi prej nëntor 2017 ai është i arrestuar në Zvicër dhe ende nuk është ekstraduar në Shqipëri.
Për Lajm-shqip
Ylli Pata
01.02.2018
