Policia rrugore gjobit shqiptarët, rreth 1 mijë masa për 48 orë në Tiranë. Prag festash të fund vitit, policia si gjithnjë del në operacion për të vjellë gjobat nga përdoruesit e rrugës.
Policia e Shtetit jep të dhëna në lidhje me një operacion të sektorit të Qarkullimit në Tiranë. Nga të dhënat e para që vijnë nga kjo drejtori bëhet me dije se në qendrat e banuar drejtuesit e mjeteve ecin me shpejtësi dy-tri herë më shumë se sa normat e lejuara.
Po ashtu është bërë me dije se janë gjobitur me dhjetëra drejtues për shkak të mungesës së rripit të sigurimit.
Po ndërsa shikon kategoritë e ndëshkimeve të bie në sy edhe shtesa e që ka të bëjë me përdorimin e telefonit. Mbase ky fakt është një prej shkaqeve më të shumta që ndodhin aksidentet fatale pasi përdoruesit e mjetit janë edhe përdorues kronik telefoni. Ndërkohë në deklaratën e policisë bie në sy edhe fakti tjetër se janë bllokuar mjetet që nuk kanë paguar gjobat, duke mos i lejuar më të jenë në qarkullim.
Deklarata e policisë
Gjatë 48 orëve të fundit, janë ndëshkuar 58 drejtues mjetesh që qarkullonin me shpejtësi tej normave të lejuara. S ipas policisë rrugore në qendrat e banuara shpejtësia kalonte dy deri në tre herë më shumë se limiti i lejuar. Ndërkohë, 9 drejtues mjetesh janë ndëshkuar për drejtim në gjendje të dehur, ndërsa janë arrestuar 3 drejtues mjetesh që drejtonin automjetet të pa pajisur me leje drejtimi.
Gjithashtu janë pezulluar 23 Leje Drejtimi për drejtim mjeti nën ndikimin e alkoolit, por jo deri në kufijtë e dehjes. Kontrollet kanë konsistuar edhe në evidentimin dhe ndëshkimin e atyre drejtuesve që nuk respektojnë rregullat e qarkullimit rrugor.
Janë shënuar edhe 803 masa për shkelje të tjera të Kodit Rrugor. Po ashtu janë bllokuar dhe 13 mjete për mos shlyerje të masave administrative mbi 3 masa.
Masat
-61 masa për mos përdorin rripin e sigurimit.
-84 masa për parakalim të gabuar
-115 masa për përdorin celularin gjatë drejtimit të automjetit
-14 masa për mos respektim të sinjalistikës së semaforit
– 71 masa për ata që qarkullojnë pa kaskë mbrojtëse si dhe pa kontroll teknik të mjetit, etj.
Për Lajm-shqip
Nikoleta Kovaçaj
