Me ardhjen e Drejtorit të ri, Policia e Shtetit, po ristrukturohet. Enkelejda Tosku do të jetë drejtoresha e re e Kufirit dhe Migracionit në Tiranë.
Tosku, është cilësuar dhe si gruaja e ‘hekurt’e Kufirit dhe Migracionit në Tiranë.
Deritashmë, në krye të drejtorisë së Kufirit dhe Migracionit në Shqipëri, ka qenë Aida Hajnaj.
Hajnaj, do të marrë një tjetër post të rëndësishëm Në këtë institucion, atë të numrit dy të Policisë së Shtetit.
Aida Hajnaj do të jetë zëvendëse e Ardi Veliut, që u zgjodh pak kohë më parë në krye të Policisë së Shtetit.
Ndërkohë Rebani Jaupi që lëviz nga posti i zv.drejtorit, merr një tjetër detyrë. Jaupi, do të emërohet në postin e drejtorit të menaxhimit të të Dhënave në Polici.
Po ashtu në ndryshimet që strukturat drejtuese të policisë së shtetit po vijojnë. Ku Altin Qato emërohet përfundimisht drejtor i Policisë së Elbasanit, pasi kaloi pak kohë më parë si i komanduar, në këtë post, në një kohë kur situata e rendit në këtë qytet ishte mjaft e rënduar.
Bledar Çeliku emërohet drejtor i Njësisë së Task-forcës. Ndërsa, Gjovalin Loka, nga drejtor i Policisë në Shkodër, emërohet drejtor i Rendit në Policinë e Shtetit.
www.lajm-shqip.com
