Të paktën dy arrestime “finalizohen” si suksese të nisjes së një dite pune nga policia e qytetit të Elbasanit. Kjo është bërë si një rutinë për qytetin e Elbasanit.
Në qytetin e Elbasanit, policia e nis ditën me të paktën dy arrestime.
Specialistët e Seksionit të Qarkullimit Rrugor, e hapën këtë ditë me një arrestim. Sipas burimit zyrtar, ai është Aleks Toçi, 22 vjeç, banon në fshatin Hajdaran, të Njësisë Administrative Shushicë, Elbasan. Arrestimi i tij u bë në lagjen “Shënkoll” tek ura e Shkumbinit. Ai është kapur në flagrancë duke drejtuar motorrin pa leje drejtimi. Ndaj tij rëndon akuza “Drejtimi i automjetit pa dëshmi”. Arrestimi i dytë është për shtetasin Olgert Ferracaku. Është 33 vjeç, banues në Elbasan. Arrestimi i tij u bë në lagjen “Syrjah Dylgjeri” gjatë një kontrolli fizik nga forcat blu, i është gjetur dhe sekuestruar në cilësinë e provës materiale, një përforcues grushti. Ndaj tij rëndon akuza “Prodhimi dhe mbajtja pa leje e armëve të ftohta”.
Për Lajm-Shqip
Alfrida Danushi
