Policia e Korçës ka arrestuar 4 persona pasi janë kapur në flagrancë për drejtim mjeti pa dokumentacion.
Burime zyrtare thonë se në pranga kanë rënë 4 shtetas. Bëhet fjalë për Spartak Terolli, Llazi Koli, Anesti Dulellari dhe Erion Kollçinaku.
26-vjeçari Terolli është arrestuar pasi në aksin rrugor Korçë-Pogradec ka shkaktuar aksident.
Mësohet se në afërsi të fshatit Pocestë, duke drejtuar mjetin motorr tip “Lifan” pa targa, ka humbur kontrollin.
Si për pasojë ka marrë lëndime vetë drejtuesi i mjetit. Llazi Koli, 19 vjeç, banues në fshatin Zvirinë është arrestuar pasi nuk dispononte dokumentacionin përkatës.
Policia e Korçës arreston ‘kapot’ e rrugores.
Burime thonë se në aksin rrugor Korçë- Pogradec u kap duke drejtuar një mjet motorr tip “Loncin” pa targa.
I riu nuk disponinte leje drejtimi. Ndërkaq Anesti Dulellari, 33 vjeç, banues në fshatin Pirg udhëtonte pa dokumentacionin përkatës.
Dulellari në afërsi të fshatit Zvirinë u kap duke drejtuar një mjet motorr tip “Lifan” pa targa, pa lejë drejtimi.
Erion Kollçinaku u kap duke drejtuar mjetin tip “Audi” me targa AA997RI nën ndikimin e pijeve alkoolike.
Për Lajm-shqip
Ledjona Xheladinaj
