Policia e Durrësit ka arrestuar në flagrancë dy shtetas. Njëri prej tyre udhëtonte me armë zjarri në automjet dhe tjetri si autor i dyshuar për disa vjedhje.
Policia e Durrësit në kuadër të rritjes së sigurisë së qytetarëve kanë ushtruar kontrolle në terren, lokale nate.
Kontrolle të shumta janë ushtruar edhe në automjete për kapjen e personave në kërkim dhe me precedentë.
Në vijim të kontrolleve të ushtruara është arrestuar në flagrancë shtetasi Ervis Dungu 29 vjeç, banues në Shijak.
Gjatë kontrollit të ushtruar në automjetin e tij i’u gjet dhe sekuestrua një armë zjarri pistoletë. Po në automjetin e tij u gjeten 9 fishekë kalibër 9 mm, pa leje.
Materialet i kaluan Prokurorisë së Rrethit Gjyqësor Durrës për veprime të mëtejshme.
Gjithashtu është arrestuar në flagrancë shtetasi Dritan Çina 45 vjeç banues në Durrës. Çina ka thyer xhamin e mjetit tip Nissan në pronësi të shtetases B.I.
Ai ka marrë 1 telefon celular, 7 000 lekë dhe sende personale.
Gjatë kontrollit fizik i’u gjet dhe sekuestrua në cilësinë e provës materiale një sasi lënde narkotike. Sasia e lëndës dyshohet e llojit Heroinë.
Dritan Çina nëpërmjet provave shkencore nga veprimet hetimore dyshohet si autor i disa ngjarjeve.
Në Shkallnur, Durrës dyshohet se ka vjedhur pasqyrat e mjetit, në pronësi të shtetasit B.H.
Në lagjen Nr.17/1, Durrës dyshohet se ka vjedhur sende personale në mjetin e shtetasit B.K. Ndër të tjera ai dyshohet se ka vjedhur kasetofonin në mjetin tip Volzvagen, në pronësi të shtetasit A. B.
Materialet i kaluan Prokurorisë së Rrethit Gjyqësor Durrës për veprime të mëtejshme.
Për Lajm-shqip
Silvi Feimi
