Policët vrasin aktoren e njohur, goditja fatale u mor pasi… Detaje të tjera dalin në dritë nga vrasja e aktores së njohur, Vanessa Marquez.
Policët vrasin aktoren e njohur, goditja fatale u mor pasi…
Ajo u qëllua për vdekje nga policia, teksa ishte në banesën ku jetonte me qera, në Kaliforni. Sipas policisë, ajo kishte kërcënuar me armë forcat e rendit, të cilët u detyruan për goditjen fatale. Arsyeja që policia u nis për në banesën e aktores, ishte alarmi që dha qëradhënësi, që thirri policinë sepse ishte i shqetësuar për të. Kështu, tre efektivë policie dhe një punonjës i kujdesit shëndetësor mendor nga institucionet lokale shkuan në banesën ku jetonte aktorja. Sipas dëshmive të këtyre të fundit, ajo ka shfaqur një sjellje “jashtëzakonisht jo bashkëpunuese”. Në një moment, Marquez u drejton atyre një mjet, që sipas efektivëve dukej si një pistoletë e vërtetë.
Kaq ka mjaftuar që ndaj saj të qëllohet me armë zjarri, të paktën një herë. Vanessa Marquez u transportua për në spital, por nuk mundi të mbijetojë. Aktorja vuante nga çrregullime të ngrënies dhe dukej se ishte me aftësi të kufizuara, tha një oficer i policisë lokale. Nuk ishte hera e parë që policia kishte shkuar të banesa e saj, shtoi ai.
Për Lajm-Shqip
Jorida Fataj
