Një deklaratë e Michel Platinit dhënë së fundmi ka ngjallur mjaft diskutim. Ish-Presidenti i UEFA-s ka folur për France Bleu dhe është shprehur se gjatë Kupës Botërore të vitit ’98 është bërë një marifet “i vogël” në mënyrë që në finalen e kupës të përfundonin dy ekipet; Francë dhe Brazil.
Platini zbulon mashtrimin: Si lejova që Franca dhe Brazili të përballeshin….
Në atë kohë Platini ka qenë bashkë-kryetar i komitetit organizues. Francezët organizuan dhe fituan Kampionatin e tyre të parë Botëror 20 vjet më parë, duke mundur Brazilin 3-0 në finale në Paris.
Në deklaratën e tij Platini u shpreh se pikërisht ky mashtrim ka bërë që skudrat të përballen në finalen e madhe, citon Blitz.
“Finalja e Francës dhe Brazilit, e vitit 1998 ishte diçka që e donin dhe e ëndërronin të gjithë. Kështu që ne përdorëm një mashtrim të vogël në barazim. Mjaftoi që të poziciononim Brazilin dhe Francën respektivisht në Grupin A dhe Grupin C: nëse të dy fitonin vendin e parë në grup, të dy skuadrat kombëtare nuk do të ishin takuar kurrë para finales.
A besoni se të tjerët nuk kanë bërë të njëjtën gjë? “.”,- është shprehur ai.
Në ’98-ën të dyja skuadrat arritën deri në finale në Stade de France ku dy gola nga Zinedine Zidane dhe një tjetër nga Emmanuel Petit i dhanë francezëve një fitore të famshme.
