Vajza nga Puka, bashkëjetonte prej rreth një viti me 25-vjeçarin Hajri Neziri në shtëpinë e prindërve të tij. Fillimisht u dyshua nga Policia si bashkëpunëtore në krim. Ndaj saj nuk është ngritur asnjë akuzë nga ana e Prokurorisë. Hetimet kanë zbuluar se vajza 25-vjeçare ka qenë molla e sherrit, por ajo në fakt ka luajtur një rol në parandalimin e përshkallëzimit të konfliktit të të fejuarit të saj me prindërit, duke ndërhyrë në momentin që ai kapi thikën nga kuzhina.
Prindërit e djalit ishin mësues në pension. Ata kërkonin që i biri i tyre të punonte dhe të mos jetonte në kurriz të dy të moshuarve. Gjithashtu, vajza ka pohuar se prindërit e djalit nuk ishin dakord për lidhjen e dy të rinjve, pasi ajo ishte nga Puka dhe të moshuarit nuk e aprovonin lidhjen e tyre.
Plagosi prindërit me thikë në debat e sipër, e fejuara e djalit: ‘Vjehrra s’më donte se …
Pas një debati në familje djali ka qëlluar me thikë në qafë dhe në pjesë të ndryshme të trupit duke plagosur nënën dhe babanë, Destan dhe Hasie Neziri.
“Do ta fal djalin pasi na ka sulmuar në gjaknxehtësi dhe për këtë nuk do ta kallëzojë në Prokurori”, kjo është deklarta e 75- vjeçarit, Destan Neziri i cili dje u sulmua me thikë nga djali i tij 25-vjeçar.
Pas përmirësimit të gjendjes shëndetësore 75- vjeçari ka treguar ngjarjen si dhe shkakun që çoi në plagosjen e tij dhe të shoqes prej djalit të tij.
Pas ngjarjes ka qenë edhe vetë i ati i të riut, që deklaroi se kishte qenë pikërisht vajza që ndaloi Hajriun. Në fund të gjithë kësaj historie, me siguri ajo nuk do të kthehet më te banesa e prindërve të të fejuarit. Kjo pasi deri në përfundim të hetimit ai do të qëndrojnë në paraburgim.
“Krahas papunësisë së Hajriut, mollë sherri në familje isha bërë edhe unë. Ata nuk më pranuan kurrë si nuse. Kjo për arsye të origjinës sime nga Puka”, deklaroi vajza një ditë pas ngjarjes për policinë.
Për lajm-shqip:
Jorida Fataj
24.06.2018
