Nëse jeni gati të bëni yoga nudo apo të ushqeheni në të tilla kushte, mundet që dhe ju të bëheni pjesë e këtij aktiviteti të shoqatës së nudistëve në Paris.

Më 24 qershor shoqata e nudistëve po organizon një piknik gjigand për natyralistët. Kjo ngjarje do të organizohet për nder të ditës së natyralizmit.

Kjo shoqatë synon që këtë event ta kthejë në një ngjarje të përvitshme që të festohet në të dielën e fundit të qershorit.

Piknik i hapur nudo në Paris, mund të shkojë kushdo, edhe ju…

Shoqata e nudistëve shpreson se do të jetë një ditë simbolike që do të mbledhë bashkë të gjithë nudistët në parkun Bois de Vincennes.

Fillimisht ata do të nisin të bëjnë yoga më pas do të vazhdojnë me një piknik në diell.

Të ftuarit do të paguajnë në këmbim të ushqimit vetëm 5 euro.

Në ftesat që janë shpërndarë në facebook i bëhet thirrje vizitorëve të sjellin mbulesat e tyre dhe të ftojnë miq dhe familjarë. I gjithë aktiviteti do të zgjasë deri në 5. 30 të pasdites.

Për lajm-shqip:

Klajdi Thaçi

20.06.2018