Pesë parashikimet e manjatit amerikan, Bill Gates, që mund të realizohen shumë shpejt. Më shumë se për pasurinë, Bill Gates është i njohur për vizionin e tij të ftohtë për të ardhmen.
Pesë parashikimet e Bill Gates, që mund të realizohen
Milioneri, babai i Microsoft-it ka bërë parashikime të goditura (në vitin 1999 kishte cekur përhapjen e smartfonëve dhe median sociale). Ja disa nga parashikimet që ka sjellë kohët e fundit dhe që nuk duken shumë larg nga realizimi.
1. Do të zhdukim poliomielitin
Në raportin e tij vjetor të 2013 Gates shpresonte se do të zhduknim poliomelitin brenda 6 viteve. Falë një fushate vaksinuese objektivi për vitin 2019 duket se është i afërt. Në vitin 2016 ka patur vetëm 37 raste të reja të paralizës infantile, në fund të viteve 1800 rastet ishin 400 , ndërsa në vitet 1900 gjatë epidemive sëmundja prekte 400 mijë fëmijë çdo vit. Sipas Gates, poliomeliti mund të bëhet sëmundja e dytë pas lisë që zhduket nga suksesi ynë shkencor.
2. Pagesat do të jenë virtuale
“Brenda 2030 dy miliardë persona që nuk kanë një llogari bankare do t’i lenë ato mënjanë dhe do të paguajnë me celularët e tyre”, shkruante Gates në letrën e tij vjetore të 2015. Në këtë pikë siguruesit e parasë së lëvizshme do të ofrojnë një gamë opsionesh që nga investimet në financim deri në sigurimet. Realisht shërbime financiare të këtij lloji po përmirësojnë dukshëm jetën në vendet në zhvillim me aktivitet ekonomik me rendiment të ulët, me infrastrukturë bankare akoma të pamjaftueshme. Suksesi i M-Pesa, një shërbim pagesash i lindur në Kenia që falë transferimeve të parave online lehtëson mikrokreditë.
3. Do të rrezikojmë shumë jetë për bioterrorizmin
Në një koferencë në Monako, Gates tha se një nga risqet më të mëdha për shëndetin global është mundësia e patogenëve që përhapen përmes ajrit, të produkteve sintetike me qëllim terrorizmin, p.sh. një version artificial i virusit të lisë ose e një gripi më të fuqishëm se norma. Sipas ekspertëve një kërcënim i tillë mund të realizohet pas 10-15 vitesh. Në një vit një patogen agresiv mund të infektojë më shumë se 30 milionë persona. Kjo është arsyeja se pse milioneri është në krye të fushatës së vaksinimit.
4. Robotët do të na vjedhin punën
Në këtë ide Gates është pesimist. Brenda 20 viteve të ardhshëm mund të jenë miliona vende të humbura për shkak të robotëve gjithnjë e më shumë efikasë dhe mjaft të avancuar.
5. Bota do të përdorë energji të rinovueshme
Një nga parashikimet më të pritshme mes atyre të Gates është edhe panorama energjike. Brenda 15 vitesh Toka mund të fuksionojë në pjesën më të madhe me energji të pastër. Do të ishte një revolucion ambjental dhe ekonomik. Në disa vende mungojnë energjia elektrike, uji, kështu që në orët e natës duhet të pushojë çdo tip i aktivitetit.
29.12.2017
