Në skenën e Eurovision-it gjatë provave, dy këngëtarët shqiptarë, Eugent Bushpepa dhe Eleni Foureira kanë dhuruar tepër emocione. Performancat e të dy artistëve pritet të jenë të flakta.
Eugent Bushpepa, përfaqësues i Shqipërisë, ka postuar në profilin e tij në Instagram, një foto me përfaqësuesen e Qipros, Eleni Foureira.
Përshëndetja speciale e dy shqiptarëve në Eurovision. Eugenti dhe Eleni pozojnë pranë njëri-tjetrit duke bërë simbolin e shqiponjës.
Eleni së fundmi ka pohuar publikisht origjinën e saj shqiptare. Pohimi i saj u diskutua gjatë në media.
Në foton e mëposhtme Eugenti dhe Eleni shfaqen së bashku duke bërë simbolin e shqiponjës me duar. Bushpepa shkruan dhe se Eleni do ta ndezë skenën e Eurovision-it.
Për lajm-shqip:
Klajdi Thaçi
02.05.2018
