Përse u arrit deri tek flaka në Kukës dhe a mund të shmangej?
Zjarri i sotëm pajisjet e vjeljes së tarifave të Rrugës së Kombit janë një sinjal i qartë për qeverinë. Por, përse u arrit deri tek flaka në Kukës dhe a mund të shmangej?
Një sinjal që dërgon dy mesazhe të qarta: zgjidhja apo komunikimi nuk duhet të jetë policor. Dhe mesazhi i dytë është që tarifa 5 euro apo 650 lekë për një kalim është e madhe dhe nuk pranohet.
Kështu që Edi Rama, ka shansin që në takimin me kryebashkiakun e Kukësit të nisë një proces. Të hënën Kryeministri duhet të nisë një dialog që nuk e zhvilloi gjatë gjithë kësaj kohe.
Dialog jo vetëm me kuksianët, por me të gjithë qytetarët. Kjo pasi, procesi i tenderimit të mirëmbajtjes së rrugës ndoshta është bërë sipas ligjit, por jo tarifimi. Çdo faturë që përbën para është një veprim që e para duhet të diskutohet me qytetarët.
E Dyta nuk mund të merret pa kaluar procesin institucional me votë, pra në Parlament.
Dhe kur të vendoset, mund të bëhet edhe me referendum.
Ndjesa e sotme e Edi Ramës, duhet të tregohet me vepra e jo me fjalë.
Njerëzit, të paktën nuk duan arrogancë…
Për lajm-shqip:
Ylli Pata
