Përplaset nga një makinë psikologia e emisionit ‘Me zemër të hapur’. Drejtuese e automjetit ishte një 18 vjeçare.
Psikologja e emisionit “Me zemër të hapur” në “News24”, Anxhela Peza, është aksidentuar pasditen e djeshme në afërsi të zonës ku banon.
Ngjarja ka ndodhur në rrugën “Ymer Kurti” pranë postës numër 8 në kryeqytet.
Përplaset nga një makinë psikologia e emisionit ‘Me zemër të hapur’
Në pamjet e publikuara nga “BalkanWeb” duket momenti kur një automjet tip “Audi” me xhama të zinj, ka kaluar me shpejtësi në rrugën e cila në ato momente ishte mjaft e populluar.
Për shkak se trotuaret e rrugës ishin të zaptuara nga automjetet që kishin parkuar sa majtas e djathtas, kalimtarët duket se janë të detyruar të ecin në rrugë.
Por ndonëse psikologia Anxhela Peza po lëvizte në anë të rrugës, 18-vjeçarja e cila drejtonte automjetin tip “Audi” nuk është treguar aspak e kujdesshme të ulë shpejtësinë apo të manovrojë, por e ka përplasur atë pas një makine tjetër.
Për pasojë, Anxhela Peza ka pësuar fraktura në këmbë, dhe ka marrë mjekim në spital.
11.02.2018
