Përfshihet nga flakët automjeti në Shkëmbin të Kavajës dhe digjet tërësisht në pjesën ballore.
Incidenti është regjistruar mbrëmjen e ditës së mërkurë në zonën e Shkëmbit të Kavajës.
Përfshihet nga flakët automjeti në Shkëmbin të Kavajës
Burime nga zjarrfikësit bëjnë të ditur se mjeti ishte i parkuar pranë një hoteli në momentin kur zjarri ka nisur në pjesën e motorit.
Ndërhyrja në kohë e zjarrfikësve bëri të mundur shuarjen e flakëve dhe evitimin e dëmeve që mund të shkaktonte në bizneset ku ndodhej i parkuar automjeti.
Automjeti i dëmtuar nga rënia e zjarrit në motor ishte një “Ford Focus” i gjelbër me targa AA122 EB.
Paraprakisht dyshohet se flakët janë shkaktuar nga një shkëndijë në impiantin e gazit të mjetit.
Megjithatë policia, thuhet se ka sekuestruar edhe pamjet filmike të kamerave në afërsi për të saktësuar realisht shkaqet e djegies së mjetit, dhe se zjarri ka qënë i qëllimshëm apo aksidental.
Hetimet po vijojnë.
Silvi Feimi
25.01.2018
