Për cfarë do të përdoret kamera TrueDepth e iPhone X?!
IPhone X sapo ka dalë në shitje dhe ka tërhequr vëmendjen e të gjithëve me karakteristikat e reja që Apple ka sjellë në këtë model të ri.
Një nga këto është dhe kamera TrueDepth. Ajo përdoret për identifikim me anë të tipareve të fytyrës, por jo vetëm. Kamera perdoret edhe për realizimin e fotove spektakolare.
Gjithsesi, nisur nga një kontratë që Apple ka shpërndarë me disa programues. Te këta të fundit ka rënë në sy edhe një përdorim tjetër i kamerës TrueDepth. Ajo mendohet se cënon privatësinë e përdoruesve.
Në një nga pikat e kësaj kontrate thuhet se të dhënat që merren nga kamera nuk ruhen vetëm në pajisjen e konsumatorit. Por do të tranferohen edhe në një server që nuk i përket Apple.
Në delaratat e mëparshme, Apple ka siguruar se të dhënat faciale si të përdoret iPhone X do të mbeten në pajisje.
Një aplikacion, i cili ekzekutohet në background do të njoftohet nëse autentikimi ka qenë i suksesshëm ose jo. Por nuk do të marrë të dhënat e përdoruesit për t’i ruajtur në server që nuk i përkasin Apple.
Megjithatë, sipas kontratës së re për zhvilluesit e aplikacione te iPhone X, kjo gjë nuk i ndalon ata të aksesojnë të dhënat e marra nga kamera TrueDepth.
Duke qenë se kamera mund të kapë mbi 50 shprehje të fytyrës edhe kjo ështe një risi. Programuesit mund të monitorojnë në çdo kohë çdo lëvizje të fytyrës së përdoruesve.
Apple ka ndaluar kategorikisht mbledhjen e të dhënave dhe shitjen e tyre në tregun e zi. Mesa duket deri tani nuk ka një masë sigurie më të lartë se sa disa rregulla të vendosura në letra.
Derisa Apple të ndërmarrë veprime të tjera në lidhje me sigurinë e përdoruesve të iPhone X, çdokush që ka një smartphone të tillë është i ekspozuar ndaj rreziqeve të thyerjes së privatësisë së tij.
