Një ngjarje e rëndë ndodhi dy ditë më parë, në aksin rrugor Suharekë-Duhel. Pesë anëtarë të një familjeje humbën jetën. Midis viktimave, tre ishin fëmijë.
“Rreth orës 13:21 minuta të ditës së dielë, në magjistralen Suharekë-Duhel, ka ndodhur një aksident i tmerrshëm komunikacioni me ç’rast kanë humbur jetën pese persona: dy të rritur dhe tre fëmijë”, ka njoftuar zëdhënësi i policisë për rajonin e Prizrenit, Hazir Berisha.
Përcillen për në banesën e fundit pesë familjarët e Suharekës …
Personat që humbën jetën ishin dy prindërit dhe tre fëmijët e tyre të mitur. Familja pesë anëtarëshe që u shua ditën e dielë në aksidentin në Biraqë të Suharekës kishte prejardhje nga fshati Sopi, me banim në Zvicër.
E para disa minutash, po zhvillohet ceremonia mortore e pesë anëtarëve të familjes kosovare. Shumë njerëz kanë marrë pjesë në përcjelljen e viktimave për në banesën e fundit.
Për Lajm-shqip
Jorida Fataj
