Olesia Duka, stomatolge nga Tirana, është përballur më gjykatën pasi kishte mashtruar disa biznesmenë duke i marrë atyre shuma të konsiderueshme parash.
Përmes rrjeteve sociale ajo kishte paraqitur një status të rremë.
Hiqej si grosiste dhe zotëruese e lëndës së parë “Zirkon” për shërbime stomatologjike.
Gënjente biznesmenët e interesuar për këtë mall.
Iu thoshte se do t’ja dërgonte atë me çmim shumice.
Kjo gjë nuk ndodhte asnjëherë, ndonëse merrte paratë e tyre.
Gjykata e shkallës së parë e Durrësit ka marrë vendimin për vendosjen e sekuestros preventive.
Olesia zotëronte katër apartamente në Tiranë e Durrës dhe një klinikë dentare në Tiranë.
E gjithë vlera e përfituar prej mashtrimeve të saj shkon 2 milionë euro.
Përballet me gjykatën stomatologia mashtruese, përfitoi rreth 2 milionë $…
HETIMET
Sektori për Pastrimin e Parave, në Drejtorinë për Hetimin e Krimit Ekonomik e Financiar, pranë Departamentit për Hetimin e Krimit të Organizuar dhe Krimeve të Rënda, në Drejtorinë e Përgjithshme të Policisë së Shtetit nën drejtimin e Prokurorisë pranë Gjykatës së Shkallës së Parë, Durrës, më datë 26.02.2018 kryen ekzekutimin e vendimit të Gjykatës të Shkallës së Parë, Durrës për vendosjen e sekuetros preventive të katër apartamenteve në Tiranë e Durrës, si dhe një klinikë dentare në Tiranë, në pronësi të shtetases Olesia Duka, 38 vjeç, lindur dhe banuese në Tiranë, pasuri të dyshimta dhe që nuk justifikohen me burime të ligjshme.
Policia bën me dije se vazhdon puna në bashkëpunim me Prokurorinë dhe institucionet e tjera ligjzbatuese për kryerjen e hetimeve financiare e pasurore për identifikimin e bashkëpunëtorëve të mundshëm të kësaj shtetaseje dhe gjetjen me qëllim sekuestrimi, konfiskimi dhe rikuperimi tek shtetasit e mashtruar të përfitimeve nga ky aktivitet kriminal.
Nga informacionet e marra në rrugë konfidenciale nga policia rezultonte se shtetasja e lartpërmendur ka mashtruar disa persona në Tiranë, Durrës, etj, duke përfituar një vlerë përafërsisht rreth 2 milionë euro, informacione që shërbyen si indicie për regjistrimin e procedimit penal, proaktiv të vitit 2017.
Procedimi penal proaktiv është ndjekur në harkun kohor të 2-3 muajve, duke zbardhur mekanizmin e mashtrimit dhe përpjekjet për t’i shpëtuar hetimit e fshehur pasuritë që dyshohet se janë vënë nga veprimtaria kriminale.
Shtetasja Olesia Duka ka përdorur rrjetet sociale për krijimin e një statusi të rremë.
Qëllimi ishte vjedhja e pasurisë nga shtetas të ndryshëm duke u paraqitur si grosiste dhe zotëruese e parë e tregut të lëndës “Zirkon” për shërbime stomatologjike dhe nëpërmjet shpërdorimit të besimit dhe gënjeshtrës, përfitonte nga biznesmenë të kësaj fushe sasira parash me premtimin për t’ju dërguar lëndën e parë me çmim shumice favorizues, mall të cilën nuk jua dërgonte.
Për lajm-shqip:
Klajdi Thaçi
