Partia Demokratike ka votuar unanimisht propozimin e kreut të PD-së për dorëzimin e mandateve të deputetëve.
Kjo u bë e ditur nga kreu i opozitës Lulzim Basha, në një dalje për mediat nga selia blu ku tha se propozimi i tij ka gjetur plotësisht mbështetjen e aleatëve të saj për të djegur mandatet.
Pjesë nga deklarata:
“Kanë mbështetur plotësisht zgjidhjen e ofruar nga opozita e bashkuar, e një qeveri trazitore të gatshme për të marrë të gjithë hapat e nevojshme që do të garantojnë zgjedhje të lira dhe të
ndershme dhe zhbllokimin e procesit të integrimit europian të Shqipërisë, hapjes së negociatave me BE përmes zgjedhjeve të lira dhe të ndershme të parakohshme parlamentare vendosi
unanimisht djegien e mandateve parlamentare të Partisë Demokratike në Kuvendin e dalë me votat e krimit dhe mafias në zgjedhjet e manipuluara të 25 qershorit 2017.
Grupi parlamentar i Partisë Demokratike autorizoi kryetarin e partisë të ndjekë hapat e mëtejshëm në përputhje me statutin e Partisë Demokratike të Shqipërisë”, tha Basha
