DURRËS- Partisë Demokratike iu bashkuan sot 3 mijë të rinj durrsakë. Kryeministri i vendit Sali Berisha vlerësoi anëtarësimin e të rinjve si dëshmi se idealet e PD-së janë më të gjalla se kurrë.
“Ju përgëzoj për vendimin e madh, që iu bashkuat partisë të dinjitetit njerëzor, të lirive dhe të drejtave tuaja dhe të ardhmes evropiane të shqiptarëve, e Shqiërisë së zhvilluar Shqipërisë evropiane. Ju anëtarësoheni në forcën kryesore të ndryshimit të shqiptarëve. Sot hyni në shtëpinë dhe banesën tuaj, në zemrën e zhvillimit të Shqipërisë”, theksoi Berisha.
Numri 1 i qeverisë duke përmendur forcën e rinisë, si faktorin kryesor për rrëzimin e komunizmit i premtoi të rinjve, punësim si dhe përballimin e kontributeve sociale për 3 vite me radhë për cdo sipërmarrje.
“Jam këtu për t’ju dhënë fjalën e nderit se qeveria me qëllim se energjitë dhe entuziastmi juaj të shndërrohen në energjinë e zhvillimit të vendit do të bëjmë gjithcka për punësimin tuaj. Qeveria vendos së shpejti të përballojë shpenzimet, kontributet sociale, sigurimet shëndetësore për secilin prej jush për 3 vjet me radhë për cdo sipërmarrje. Ftoj sipërmarrësit të vinë në Shqipëri të punojnë të rinjtë shqiptarë dhe të njihen me aftësinë e të rinjve Shqipëri”, premtoi Berisha.
Shefi i qeverisë nuk ka kursyer kritikat edhe për kreun e PS-së Edi Rama, duke i bërë thirrje të rinjve që më 23 qershor të rrëzojnë murin e bllokimit për në familjen evropiane si dhe testamentin e etërve të kryesocialistit.
“Me 23 qershor ne votojmë për veten tonë, votojmë për ndryshimet e katër viteve që vijnë, votojmë për Durrësin, Shqipërinë e zhvilluar dhe evropiane. Me 23 qershor ne votojmë dhe energjinë tonë, ne shembim murin e bllokimit dhe do te lemë Edi Ramën me testamentin e etërve të tij. Dhe do ecim drejt Evropës pa na ndalë askush herë tjetër. Cdo fushatë elektorale të fituar nga PD kam patur si arkitekt ju dhe vetëm ju, para së gjithash të rejat dhe të rinjtë e Shqipërisë. Që nesër të mbledhim cdo vote dhe të përsërisim e vitit 1992, fitoren peblishitare, të ecim të sigurtë. Ne jemi ndryshimi përpara, përpara, përpara”, apeloi Berisha.
08.02.2013
Burimi: Balkanweb
