Patenta e gruas së Saimir Tahirit, në makinën e biznesmenit
Të ngjashme mund të lexoni:
Policia e Elbasanit në një reagim për mediat pas publikimit të lajmit për arrestimin e një biznesmeni me 800 mijë euro, tha se në automjetin e tij u gjetën edhe disa patenta. Dy prej tyre i përkasin ish-ministrit të Brendshëm, Saimir Tahiri dhe nuk janë të falsifikuara. Ndërsa një tjetër patentë është e ish-bashkëshortes së Tahirit, e cila gjithashtu ndodhej në makinën e biznesmenit të hekurit.
Burime nga policia pohojnë për “Mapo” se në makinën e shtetasit O.S u gjendën 4 patenta, një prej të cilave e bashkëshortes së ish-ministrit dhe dy të tjerat patentat e Tahirit. I arrestuari nuk ka pranuar të dëshmojë për policinë, por në një verision jo zyrtar ka thënë se patentat janë harruar në automjetin e tij nga shoferi i ish-Ministrit të Brendshëm. I arrestuari ka deklaruar se nuk ka njohje personale me ish-ministrin e Brendshëm.
Burimi: Mapo
03.11.2017
