Pas përmbytjeve, dëme të mëdha tek fermerët në Durrës, askush nuk interesohet
Pas përmbytjeve, dëme të mëdha
Përmbytjet e një jave më parë kanë shkaktuar dëme shumë të mëdha tek fermerët në Durrës.
Edhe pse kanë kaluar ditë tashmë që pas permbytjeve, ata tregojnë se askush nuk ka ardhur në serat e tyre për të parë situatën.
Serat në zonën e ish-Kënetës, Rrashbullit dhe Shkozetit për ditë me radhë ishin të mbuluara nga uji.
Duke shkatërruar kështu të gjitha të mbjellat e tyre.
Fermërët thonë se kanalet e bllokuara kanë bërë që serat me prodhimet e stinës të dalin jashtë funksionit.
Deri tani askush nuk ka shkuar të verifikojë dëmet
Përmbytjet u kan shkaktuar një dëm të konsiderueshëm financiar fermerëve durrsakë.
Vetem në zonën e shkozetit jan përmbytur rreth 3 ha sera.
Banorët pohojnë se tregtimi i këtyre prodhimeve bujqësore është e vetmja mënyre jetese për ta.
Dhe tani dëmi që u është shkaktuar është tepër i madh, pasi i gjithë prodhimi është dëmtuar.
Ata shprehen se të gjithë kanë marrë kredi për ndërtimin e këtyre serave.
Dhe tashmë, pas dëmtimit të prodhimit, janë të falimetuar.
Ata janë ankuar disa herë në Drejtorinë e Bordit të Kullimit për pastrimin e kanaleve kulluese.
Por askush nuk ka marrë masa, gjë që solli edhe këtë përmbytje, që për ta është e dyta brenda dy-viteve të fundit.
Për Lajm Shqip
Silvi Feimi
