Partia Socialiste kërkon dhe njofton inicimin e procedurave për shkarkimin e kreut të KQZ-së Klement Zguri, duke e konsideruar si shkelje të ligjit sjelljen e këtij institucioni ndaj vendimit për mos heqjen e mandatititë Kryetarit të Bashkisë Mallakastë.
Të ngjashme mund të lexoni:
• Taulant Balla: Basha gënjeu! Krimet e Rënda “arrest me burg”…
Eshtë Taulant Balla, depudeti i Partisë Socialiste që përmes një statusi në FB njofton këtë vendim.
Jemi në kushtet kur është mëse e qartë se Kryetari i Komisionit Qendror të Zgjedhjeve Klement Zguri ka kryer shkelje të rënda të ligjit dhe përmes veprimeve e mosveprimeve të tij i shtyu sa mundi jetën politike një të zgjedhuri lokal me rekorde të rënda kriminale, vetëm e vetëm sepse është i të njëjtit krah politik me të dhe i ndikuar nga urdhërat politike. Shembull konkret dhe i patolerueshëm i njëanshmërisë së verbër politike dhe mungesës së profesionalizmit.
Është detyrimi i Kuvendit të Shqipërisë që menjëherë të fillojë procedurat për shkarkimin e zotit Klement Zguri nga detyra e Kryetarit të KQZ, për shkelje të rëndë të ligjit nr.138/2015 “Për garantimin e integritetit të personave që zgjidhen, emërohen ose ushtrojnë funksione publike.
Kujtojmë se zgjedhja e Klement Zgurit në krye të KQZ-së, ka qenë pjesë e marrëveshjes PS-PD më 18 maj.
Burimi: Opinion
